Opera को निःशुल्क VPN अब सार्वजनिक Wi-Fi मा आफैं सक्रिय हुने
Opera ले आफ्नो ब्राउजरमा रहेको निःशुल्क VPN मा एउटा महत्त्वपूर्ण अपडेट ल्याउँदै छ। यस नयाँ सुविधाले डेस्कटप ब्राउजरले सार्वजनिक वा असुरक्षित Wi-Fi नेटवर्क पत्ता लगाउना साथ VPN लाई स्वतः सक्रिय गर्न सक्छ।
यो सुविधा प्रयोगकर्ताको इच्छामा आधारित (opt-in) छ र सुरुमा अमेरिका र फ्रान्सका Opera प्रयोगकर्ताहरूका लागि उपलब्ध हुँदै छ।
यो नयाँ फिचरले के गर्छ?
यो सुविधाको उद्देश्य प्रयोगकर्ताले हरेक पटक आफैं VPN अन गर्नुपर्ने झन्झट हटाउनु हो। एयरपोर्ट, क्याफे, क्याम्पस र पुस्तकालय जस्ता ठाउँमा इन्टरनेट चलाउँदा, Opera को सेटिङमा यो विकल्प खोलिएको छ भने ब्राउजरले असुरक्षित नेटवर्क चिन्छ र एकीकृत VPN आफैं चलाइदिन्छ।
सुविधा आफैं लागू हुँदैन
यहाँ ध्यान दिनुपर्ने कुरा के छ भने स्वचालित सक्रियता प्रयोगकर्ताको सहमतिविना सुरु हुँदैन। प्रयोगकर्ताले सेटिङमा गएर यो सुविधा आफैं खोल्नुपर्छ, र चाहेमा जुनसुकै बेला बन्द पनि गर्न सकिन्छ।
Opera VPN का मुख्य विशेषताहरू
- २०१६ देखि ब्राउजरमै VPN सेवा उपलब्ध
- पूर्ण रूपमा निःशुल्क र डेटा सीमा (data cap) छैन
- खाता (account) बनाउनु पर्दैन
- No-logs policy पालना गर्ने, र Deloitte द्वारा स्वतन्त्र रूपमा अडिट गरिएको भन्ने कम्पनीको दाबी
- ब्राउजरमै रहेको विज्ञापन र ट्र्याकर ब्लक गर्ने सुविधासँग मिलेर काम गर्छ
Opera को बारेमा
Opera नर्वेमा आधारित कम्पनी हो, जसको स्थापना सन् १९९५ मा भएको थियो। यसका डेस्कटप र मोबाइल ब्राउजर करोडौं मानिसले प्रयोग गर्छन्। VPN यसका गोपनीयतासम्बन्धी अन्य बिल्ट-इन टुलहरूको एक हिस्सा हो।
सार्वजनिक Wi-Fi किन जोखिमपूर्ण हुन्छ?
सार्वजनिक वा असुरक्षित Wi-Fi मा सुरक्षा नभएको इन्टरनेट ट्राफिक अरूले चियो गर्न (snooping) वा बीचमै अवरोध (interception) गर्न सक्ने जोखिम हुन्छ। VPN ले तपाईंको डेटालाई इन्क्रिप्ट गरेर यस्तो जोखिम घटाउन मद्दत गर्छ। Opera को यो नयाँ सुविधा ठ्याक्कै यही जोखिम कम गर्न ल्याइएको हो।
VPN प्रयोग गर्नेहरू अझै थोरै
We Are Social को Digital 2026 Mid-Year Global Update Report मा उल्लेख भएको तथ्याङ्कअनुसार सन् २०२५ को चौथो त्रैमासमा विश्वभरका इन्टरनेट प्रयोगकर्ताहरूमध्ये केवल २३% ले मात्र केही अनलाइन कामका लागि VPN प्रयोग गरेका थिए। Opera यो स्वचालित सुविधाले VPN प्रयोगलाई प्रयोगकर्ताको सम्झनामा भर पर्नुपर्ने अवस्थाबाट मुक्त गर्ने ठान्दछ।
कहिलेदेखि उपलब्ध हुन्छ?
यो सार्वजनिक Wi-Fi सुरक्षा सुविधा २४ सेप्टेम्बर २०२६ देखि अमेरिका र फ्रान्सका Opera डेस्कटप प्रयोगकर्ताहरूका लागि क्रमशः उपलब्ध हुँदै छ। अन्य देशमा कहिले आउँछ भन्ने बारेमा हालसम्म आधिकारिक जानकारी आएको छैन।